"Jirinovskinin Azərbaycanla bağlı sərsəm açıqlamalarına ilk səfir münasibət bildirməlidir. Amma görünür, Polad Bülbüloğlunun başı şəxsi işlərinə qarışıb".
 
Bu sözləri açıqlamasında Azərbaycan Demokratik Partiyasının sədri Sərdar Cəlaloğlu bildirib.
 
O, Azərbaycanın Rusiyadakı fövqəladə və səlahiyyətli səfiri Polad Bülbüloğlunu Rusiya Dövlət Dumasının üzvü Vladimir Jirinovskinin açıqlamalarına birbaşa münasibət bildirməməsinə görə tənqid edib:

"Polad Bülbüloğlu səfirdən başqa hər funksiyanı yerinə yetirir. Ona görə, ondan nəsə açıqlama gözləmək lazım deyil. Polad Bülbüloğlu nə siyasətçidir, nə dövlət adamıdır, nə də diplomat. O, müğənnidir. Milli kadr olmayan birinin səfir olmasının nəticəsi belə də olmalıdır. Xüsusilə də, Rusiya kimi ölkədə Azərbaycan ən ciddi səfiri ilə təmsil olunmalıdır"./demokrat.az/

Aftafa.tv